博大霧

搬呢度未夠一年，頭尾計埋點講都唔敢話經歷過四季變化。起碼最多人話忍受唔到霧春三月即係大霧日子，到底未實際體驗過。

話口未完，醒室外就迷濛一片，算係領教過呢區出名濕淰淰睇唔清世界。點會唔諗起「博大霧」呢。

咩係「博大霧」，睇張相，唔知都估到幾成啦。證據？

查幾本廣州話詞典，原來都冇呢個詞，認真奇怪。更奇係，有兩本詞典雖然收錄同「博」乜「搏」物相關詞語，尤其同「博大霧」幾乎同義詞，竟然都用「搏」唔係「博」。邊個字先至，我以前講過，再講一次又何妨。

搏，有打鬥之意，都唔使多講啦；「博」呀，咪係博彩、博取之類囉。我諗唔到係，兩本詞典竟然將「博彩」都寫成「搏彩」，豈不是廣州話真係就算唔會有音無字，都係有音無意思，寫得出都唔知點解或者亂咁解？其實不過係有人用錯字，「博彩」「博懵」都有賭一賭博贏博好彩意思，又點可以同「搏殺」「搏命」咁有出力打拚甚至搵命博同搏意思呢？不過，去澳門大賭，要寫「搏殺」，唔寫「博殺」，因為隨時會死人；連用字都傳達「人情練達」道理。點到你唔服。

講講去，「博大霧」就有襯住大霧蒙查查睇唔清乘機做偷偷摸摸衰。話時話，衰又未必係犯法。

呢篇網文解釋「博大霧」意思，算係清楚明白，不過提到「『博』的原意當然是拼搏、奮鬥」，就認真錯得離譜。唔信我上面講法，都信字典。唔再抄字典內容喇。

好，我認為錯，可能有人認為唔使咁認真非要「正字」不可，不如連我認為錯資料都列晒出，睇下係咪應該盡量用「無錯」字，唔使畀人有藉口話粵語唔夠文唔夠雅而致「不文」「不雅」，認真醜死鬼。

《廣州話俗語詞典》（歐陽覺亞、周無忌、饒秉才編，廣州﹕廣東人民出版社，2010），頁10-11

《廣州話普通話詞典》（香港﹕商務印書館，2008）頁17-8

《簡明香港方言詞典》（吳開斌著，廣州﹕花城出版社，1991）頁12